ဆရာတော် ဦးရေ၀တ (အမရ၀တီ ကြယ်တစ်ပွင့်)၏ တရားတော်မှ မှတ်သားဖွယ် လင်္ကာ

ဆရာတော် ဦးရေ၀တ (အမရ၀တီ ကြယ်တစ်ပွင့်)၏ တရားတော်မှ မှတ်သားဖွယ် လင်္ကာ

တဲကုပ်ထဲမှာ နေရပေမယ့်
တရားသိလျှင် ရင်အေးတယ်။

ရွှေဘုံပေါ်မှာ စံရပေမယ့်
တရားမသိလျှင် ရင်လေးတယ်။

နေရေး၊ သေရေး အစဉ်တွေးလို့
ရင်အေးအောင် ကြံကြစေလိုတယ်။

မြင်ရာမှာ ငါမလုပ်နဲ့
နာမ်နဲ့ရုပ် ဖြစ်ချုပ်ရှုရမယ်။

ကြားရာမှာ ငါမလုပ်နဲ့
နာမ်နဲ့ရုပ် ဖြစ်ချုပ်ရှုရမယ်။

နံရာမှာ ငါမလုပ်နဲ့
နာမ်နဲ့ရုပ် ဖြစ်ချုပ်ရှုရမယ်။

စားရာမှာ ငါမလုပ်နဲ့
နာမ်နဲ့ရုပ် ဖြစ်ချုပ်ရှုရမယ်။

ထိရာမှာ ငါမလုပ်နဲ့
နာမ်နဲ့ရုပ် ဖြစ်ချုပ်ရှုရမယ်။

တွေးရာမှာ ငါမလုပ်နဲ့
နာမ်နဲ့ရုပ် ဖြစ်ချုပ်ရှုရမယ်။

အဲဒါမှ
ဗုဒ္ဓဘာသာ ပီသပါပေတယ်။


လေးစားစွာဖြင့်
ဖိုးသား !

မရဏ တံခါး

မရဏ တံခါး

မနေ့က GMP Good Manufacturing Practices ကိုလေ့လာ ဘို့ အတွက် Beta Grow ဆိုတဲ့ ဝက်သားထုတ်လုပ်ရေးစက်ရုံတစ်ခု ကို ရောက်ခဲ့ပါတယ်...။
ဝက်ခေါင်းဖြတ်တာ မကြည့် လိုတာ နဲ့ အခန်းထဲမှာ ကျန် ရစ်လိုက်ပါတယ်....။
စက်ရုံမှူးက မကြည့်ရမှာစိုးတယ် နဲ့ တူပါတယ်.... ဗီဒီယို ကင်မရာ နဲ့ချိန် ထားတာကို သေချာ ပရိုဂျက်တာ နဲ့ ထိုးပြတော့ လည်း မကြည့်ချင် မြင်လျက်သားပါပဲ..။

သတ်ခါ နီးဝက်တွေကို မသတ်ခင် ဆီးလည်းစစ်..သွေးလည်းစစ်...
ကားပေါ်က ချတော့ ၂နာရီ တိတိ ရေပန်း ဖွင့်ထားတဲ့အခန်းမှာ အေးအေးဆေးဆေး ထားပေးတယ်..စိတ်ပျော် စိတ်အေးအောင်လို့ တဲ့...။
ပြီးတော့ မှ လျှပ်စစ် ဓာတ်အား လိုင်းကို လွှတ် လိုက်တာ.... ဦးနှောက် သေသွားပါသတဲ့ ဝက် ကိုမာ ရသွားတော့မှ ခြေထောက်ကတန်း လန်း ဆွဲ ပြီးစီတန်းကာ စက်ထဲ ဝင်ရရှာပါတယ်..။
...................
........................
နောက်ဆုံး လှီးဖြတ်ရလွယ်အောင် အအေးခန်းမှာ နာရီ ၂၀ ထားပြီး ထက်ခြမ်းခွဲ ထွက်လာ ...
နောက်ဆုံးတော့လည်း ဥရောပကို ပို့ဘို့ ထုတ်ကုန် တစ်ခု ဖြစ်သွားတော့တာ..။

ပထမ ကြည့်ရင်း နဲ့ ထိတ်လန့် မိသော်လည်း.......ကျေးဇူးတော်ရှင် ပိုင်းလော့ဆရာတော် ဘုရားကြီးဟော ခဲ့ ဘူးတဲ့ ( နွားအဖြူ တစ်မျိုးထဲ ဖြစ်ခဲ့တဲ့ ဘဝကိုပဲတွေးပါတဲ့..အသတ်ခံလို့ ကျခဲ့တဲ့ သွေး တွေ နဲ့ သမုဒ္ဒရာ ခုနှစ်စင်း...ဘယ်ဒင်းကများလဲ ဆိုတော့..သွေးကများသွားပါလိမ့်မယ် ) လို့ဖြေကြရပါတယ်တဲ့..။ တရားကို သွားသတိရမိပါတယ်။

ဒီတရားကို သတိရ မိသွားတာ နဲ့ ဒီဝက်တွေ နေရာ မှာ ကိုယ် ဘယ်နှစ်ဘဝ ရခဲ့ဘူးသလဲ ရယ်လို့ အထိတ်တလန့် သံဝေဂ ဖြစ်ရပါတယ်..။
ဝက်တွေကလည်း ရှေ့ မှာ လျှပ်စစ် စက်တွေ အမွှေးမီးမြှိုက်စက်တွေ..ခေါင်းဖြတ်စက်တွေ စောင့်နေမယ်ဆိုတာ မသိကြသလို ကျွန်မ တို့လည်း သေခြင်းတရားကို မေ့နေတတ်ကြတာ..။
သေရင် ပါသွားမဲ့ ကုသိုလ် အထုပ် ကို မဖြည့်မိ....သေရင် ချန် ထားရမဲ့ ပစ္စည်းထုပ်တွေကို သာ မဲပြီးဖြည့်ဆည်းနေကြတာ....။ သံသရာ ဆုံး ပါတော့မလား...။

လယ်တီဆရာတော် ဘုရားကြီးကတော့ ဒီလို ဆုံးမတော်မူပါတယ်..။

*နင့်ရုပ်နင့်နာမ်၊ နင့်သဏ္ဍန် ဝယ်၊

နင့်ဥာဏ်မစူး ၊ အပေါ်ဖြူးလျှက်၊

(ရူးရူးမေ့မေ့) မူးမူးမေ့မေ့ ၊ အများလေ့ဖြင့်၊

နေ့ရက် အကုန် ၊ လွန်ခဲ့တုံပြီ။

အာရုံကိုထု ၊ အစုစုဖြင့်

ယုယုယယ ၊ နင်ကြောင့်ကြ လည်း

မရဏသေမင်း ၊ သူ့ဓာတ်နင်းက

မညင်းဆန်သာ ၊ နင့်ခန္ဓာ သည်

ပြာပုံအပြီး ၊ ဖြစ်လုနီးပေါ့။

ရီးတီးရားတား ၊ သေ၍သွားသော်..

တရားမကြွယ် ၊ အထုပ်ငယ်လျှက်

အပါယ် စခန်း ၊ သွားမြဲလမ်း၌

တစ်ပန်းဟိုက်ဟိုက်၊ တစ်ရှိုက် ငင်ငင်

တငြင်ငြိုငြို ၊ ဆင်းရဲပိုလျှက်

အပါယ် ထိုထို ၊ ဥဒဟို သည်

နင်လို လူမိုက် ၊ သွားလမ်းတည်း။
...........................................
ကျွန်မ မှာ မရဏ တံခါးကို ဝင်ဘို့ အသင့်ဖြစ်ပြီလား ..။
တစ်ပန်းဟိုက်ဟိုက်၊ တစ်ရှိုက် ငင်ငင် ..ပဲလား...
မရဏသေမင်း ၊ သူ့ဓာတ်နင်းက၊ မညင်းဆန်သာ ၊ ကိုယ့်ခန္ဓာ ဆိုတာ ဝက်တွေလိုပါပဲလား လို့ သံဝေဂယူရင်း..။

မေတ္တာဖြင့်
သစ္စာအလင်း

နာယူကြစို့ ....ဖတ်ကြစို့...(တရားတော်လင့်ခ်လေးများ)

*****ဆရာတော်တို့၏ တရားတော်များ ဖတ်ရှုနာယူရန်*****
http://www.dhammaonline.org/index.php ပိုင်းလော့ဆရာတော်၊ အရှင်ပုညာနန္ဒ၊ အရှင်အာဒိစ္စရံသီ တို့၏ တရားတော်များ
http://www.theinngu.org/images/stories/audio/DVD/ သဲအင်းဂူဆရာတော်ဘုရား၏ တရားတော်များ
http://www.mahasi.org.mm/ (မဟာစည်-၁)
http://www.mahasi.org/ (မဟာစည်-၂)
http://dhammaduta.net/ (အရှင်ပညိဿရ-ဓမ္မဒူတ)
http://www.shweparami.net/ (အရှင်ဆန္ဒာဓိက)
http://www.yawainwe.net/ (အရှင်ရာဇိန္ဒ)(ရဝေနွယ်-အင်းမ)
http://mettashin.com/ (အရှင်ဇ၀န)(မေတ္တာရှင်-ရွှေပြည်သာ-၁)
http://mettashin.org/ (အရှင်ဇ၀န)(မေတ္တာရှင်-ရွှေပြည်သာ-၂)
http://www.shwehinthar.com/buddhism/ (ရွှေဟင်္သာဆရာတော်)
http://www.sitagu.org/home/ (သီတဂူဆရာတော်)
http://www.pilotsayadaw.net/ (အရှင်ဇေယျပဏ္ဍိတ-ပိုင်းလော့ဆရာတော်)
http://www.chanmyay.org/ (ချမ်းမြေ့ဆရာတော်)
http://majjhimagonyi.info/ (အရှင်ကောဝိဒ-မဇ္ဈိမဂုဏ်ရည်)
http://www.paauktawya.org/ (ဖားအောက်တောရ ဗုဒ္ဓသာသနာ့ရိပ်သာ)
http://www.dhammaweb.net/ (ဖားအောက်တောရ ဆရာတော်)
http://www.phyusayadaw.com/ (ဖြူးဆရာတော်)
http://www.theravada-3p.org/ (ဆရာဦးမြင့်လွင်-သန့်တည်ပွား)
http://www.mogokinsightny.org/ (မိုးကုတ်ဆရာတော်ဘုရားကြီး)
http://realenlightenment.org/ (အရှင်ဥတ္တမသာရ) (ဆူနာမီဆရာတော်)
http://www.lknt.org/ (အရှင်လောကနာထ-၁)
http://lknt115.blogspot.com/ (အရှင်လောကနာထ-၂)
http://kathitwinemyanmar.blogspot.com/ (ကသစ်ဝိုင်ဝိပဿနာ ဓမ္မရိပ်သာ)
http://www.dhammaduta.co.cc/ (အရှင်ဆေကိန္ဒ-ဓမ္မဒူတ)
http://www.venkawwida.net/ (အရှင်ကောဝိဒ-မြိတ်)
http://manatphyan77.blogspot.com/ (အရှင်နာယကာ လင်္ကာရ)
http://www.dhammadownload.com/AudioInBurmese.htm (ဆရာတော်အစုံ-မြန်မာလိုနာယူရန်)
http://www.dhammadownload.com/AudioInEnglish.htm (ဆရာတော်အစုံ-အင်္ဂလိပ်လိုနာယူရန်)
http://www.myittawardiparahita.com/ (မေတ္တာဝါဒီ ဆရာတော်-ဘဒ္ဒန္တစန္ဒောဘာသ)
http://www.bhikkhu-revata-paauk.com/ (အရှင်ရေ၀တ-ဖားအောက်တောရ)
http://phonephonevi.blogspot.com/ (အရှင်ဝိစိတ္တ-ကိုရီးယား)
http://www.cittasukha.wo.to/ (အရှင်ဝိစိတ္တ-ကိုရီးယား)
http://htanaungyeik.blogspot.com/ အရှင်ပညာဇောတ (ထနောင်းရိပ်)
http://kovida.multiply.com/ အရှင်ကောဝိဒ (စစ်ကိုင်း)
http://uzinlay.blogspot.com/ ဦးဇင်းလေး
http://www.ashinkumara.com/ အရှင်ကုမာရ
http://2000mgmo.blogspot.com/ ဦးဝိစိတ္တာဘိဝံသ (၀ီရသူ)
http://attalwinpyin.blogspot.com/ Great Expectation
http://cittasukhamm-kr.blogspot.com/ စိတ္တသုခ မြန်မာ ဘုန်းတော်ကြီးကျောင်း
http://moechaint.blogspot.com/p/blog-page.html-မှ ထုတ်နှုတ်ယူဆောင်ဖော်ပြသည်...
အရှုပဏ္ဍိတ(ဒေါင်းဖြူ)
လူပုဂ္ဂိုလ်များရေးသော တရားလင့်ခ်များ
http://thitsaralin.blogspot.com/ သစ္စာအလင်း
http://sonesiyar.blogspot.com/ အဖြူရောင်မေတ္တာ
http://myattayar.blogspot.com/ မေတ္တာရေစင်
http://www.dhammaratha.com/ ကိုအောင်ဦး
http://eternalsamsara.co.cc/ ရည်ရွယ်ရာ (ကိုငြိမ်းလွင်)
http://thitsartayar.dhammathukha.com/index.php?option=com_content&a... သစ္စာတရားတော် (ကိုဝင်းမြင့်)
http://531collections.co.cc/ ကိုသူရဲ့ တရားစံအိမ်
http://www.ymba-mephi.co.cc/ ထေရ၀ါဒ ဗုဒ္ဓဘာသာ လူငယ်များအသင်း
http://vimuttisukha.blogspot.com/ ၀ိမုတ္တိသုခ
http://vimuttirasa.blogspot.com/ ၀ိမုတ္တိရသ-၁
http://vimuttirasa.com/ ၀ိမုတ္တိရသ-၂
http://tavoy-sayarlay.blogspot.com/ ရွှေကြာ (ထားဝယ်ဆရာလေး) ကိုရီးယား
http://ywetwar.blogspot.com/ ရွက်ဝါ
http://alinnyaung.blogspot.com/ အလင်းများရှိရာသို့ လျှောက်လှမ်းခြင်း
http://aung-myay.blogspot.com/ အောင်မြေ
http://dlwanwai.blogspot.com/ အလှတရား-၁ (ကိုလွမ်းဝေ)
http://ahlataya.blogspot.com/ အလှတရား-၂
http://htunhlaing.blogspot.com/ ကိုထွန်းလှိုင်
http://htunhlaing5.blogspot.com/ ကိုထွန်းလှိုင်-၂
http://thukhayate.blogspot.com/ သုခရိပ်-၁
http://dhammathukha.com/index.php?option=com_content&view=secti... ဓမ္မသုခ (သုခရိပ်-၂)
http://www.kautay.co.cc/ ကောက်တေး (ကိုသိင်္ခ)
http://lightofdhamma.22web.net/ ဓမ္မအလင်းရောင်
http://pyayzaw.phpnet.us/ ဓမ္မလင်းရောင်ခြည်
http://minwai85.blogspot.com/ ကိုမင်းဝေ
http://nyeinayetun.blogspot.com/ အေးငြိမ်းပျော်ရွှင် (ကိုငြိမ်းအေးထွန်း)
http://dhammafocus.myanmarbloggers.org/ ဓမ္မဆုံချက်
http://soethuhein.iblogger.org/ မြတ်ဗုဒ္ဓ၏အဆုံးအမများ
http://dhammayate.22web.net/ ဓမ္မရိပ်
http://www.internationalmeditationcentre.org/ ဆရာကြီးဦးဘခင်
http://buddhasound.page.tl/ မြတ်ဗုဒ္ဓ တရားတော်များ (ကိုဇော်နိုင်ထွန်း)
http://www.dhammaransi.net/ ဓမ္မရံသီ လူငယ်ဝတ်အသင်း
http://burmarmaung.blogspot.com/ ရွှေစကားများ
http://www.theravada-3p.org/ ဆရာဦးမြင့်လွင် (သန့်-တည်-ပွား)
http://sitagumn2004.blogspot.com/ ထေရ၀ါဒ ဗုဒ္ဓသာသန နုဂ္ဂဟအသင်း
http://myatbuddha.blogspot.com/ ဓမ္မရသ
http://theravadasarsanar.blogspot.com/ ထေရ၀ါဒ ဗုဒ္ဓသာသနာ ပြန့်ပွားရေး
http://www.ashinkumara.com/ အရှင်ကုမာရ
http://kovida.multiply.com/ အရှင်ကောဝိဒ (စစ်ကိုင်း)
http://thukakarme.blogspot.com/ သုခကာမီ(၂) အမျိုးသမီးသင် ပညာရေးကျောင်း
http://upasaka969.blogspot.com/ ဥပါသကာ
http://www.yatanar.co.cc/ ရတနာ
http://www.dhammametta.co.cc/ ဓမ္မမေတ္တာ
http://www.burmaborn.blogspot.com/ ဗုဒ္ဓသာသနံ စိရံ တိဋ္ဌတု
http://futurelife09.blogspot.com/ မပြီးဆုံးသောနေ့ရက်များကို ကျော်ဖြတ်ခြင်း
http://barwanarbala.co.cc/ ဘာဝနာဗလဖိုရမ်
http://setgyarwalar.blogspot.com/ စကြာဝဠာ
http://mawluu.blogspot.com/ မင်္ဂလာသတင်းစဉ်
http://attalwinpyin.blogspot.com/ Great Expectation
http://littlebang.wordpress.com/ Little Bang
http://marcusjournal.blogspot.com/ Marcus’ Journal
http://lokachantha.blogspot.com/ လောကချမ်းသာ
http://www.latkhatmg.co.cc/ သစ္စာရှင်
http://dhammawisdom.blogspot.com/ Wisdom of Dhamma
http://ymoon-mun.blogspot.com/ Reflection
http://meditation4beginners.blogspot.com/ Easy Meditation For Beginneres
http://koluuaww.blogspot.com/ ကိုလူသြ
http://lkntnew.blogspot.com/ ယနေ့ရေးသော တရားတော်များ
http://kyawkyawoo81.blogspot.com/ အနှစ်သာရ
http://ehlar22.ning.com/ Buddha (အဲလာ)
http://kyawkyawsoe-monywa.blogspot.com/ အပြန်လမ်း
http://moechaint.blogspot.com/p/blog-page.html-ဆိုဒ်မှ ထုတ်နှုတ်တင်ပြပါသည်...
အရှင်ပဏ္ဍိတ(ဒေါင်းဖြူ)

ဗုဒ္ဓဘာသာဝင်တိုင်းအားလုံး တကယ်ကို လေ့လာသင့် ဖတ်သင့်တဲ့ စာအုပ်
မြတ်ဗုဒ္ဓတည်ထောင်ထားတဲ့ ထေရဝါဒ သာသနာကို တကယ်ကြည်ညိုလေးစားတဲ့ ဗုဒ္ဓဘာသာဝင်တိုင်းအားလုံး တကယ်ကို လေ့လာသင့် ဖတ်သင့်တဲ့ စာအုပ်ကောင်းတစ်အုပ်ပါ။ ထေဝါဝါဒသာသနာ နှင့်တကွ ဘာသာ သာသနာနှင့်ပတ်သင့်သည့် သိသင့်သိထိုက်သော အဓိကအချက်အလက်များအားလုံးစုစည်းတင်ပြထားတာမို့ လေ့လာဖတ်သင့်ကြောင်း အသိပေးအပ်ပါသည်။
ဤနေရာကိုနှိပ်ပြီးသွားရောက်လေ့လာနိုင်ပါတယ်ခင်ဗျာ

"ဗုဒ္ဓသာသနာဝင် အစစ် ပဋိစ္စသမုပ္ပါဒ်တရားတော်ကြီး"

ပဋိစ္စသမုပ္ပါဒ်တရားတော်ဟုဆိုလျှင် အခြားဘာသာ သာသနာတို့နှင့်လုံးဝ မသက်ဆိုင်ကြောင်း, ဗုဒ္ဓသာသနာတော်နှင့်သာလျှင် သက်ဆိုင်၍ ဗုဒ္ဓသာသနာတော်တွင်း တရားသာလျှင် ဖြစ်ကြောင်း, မူလပဘ၀အားဖြင့် ဗုဒ္ဓမြတ်စွာဘုရား ကိုယ်တော်တိုင် ဟောတော်မူခဲ့သော တရားတော် ဖြစ်ကြောင်များ ထင်ရှားဖော်ပြလျက် ရှိပေသည်၊ ယင်း ပဋိစ္စသမုပ္ပါဒ်တရားတော်သည် ဗုဒ္ဓသာသနာတော်၌အရေးကြီးသော အပိုင်းကဏ္ဍ တခုအဖြစ်ဖြင့် ပါဝင်လျက်ရှိပေ၏၊ အဘယ့်ကြောင့်ဆိုသော်ဝိပဿနာယောဂီပုဂ္ဂိုလ်တို့သည် ပစ္စယပရိဂ္ဂဟဉာဏ်အဆင့်သို့ ရောက်သောအခါ ယင်းပဋိစ္စသမုပ္ပါဒ်တရားကို အကျဉ်းအားဖြင့်ဖြစ်စေ, အကျယ်အားဖြင့်ဖြစ်စေ ထိုက်သည်အားလျော်စွာ မုချသိအပ်သောကြောင့်ပင် ဖြစ်ပေသည်၊ ထို့ကြောင့်ပင် ဗုဒ္ဓမြတ်စွာဘုရားသည်ဤပဋိစ္စသမုပ္ပါဒ်တရားတော်ကိုအကြိမ်တရာမကများစွာပင် ဟောကြားတော်မူခဲ့ပေ
သည်။
ဤတရားကို သိလျှင် ရမည့် အကျိုးများ
ပဋိစ္စသမုပ္ပါဒ်ကိုသိလျှင် ““ကိုယ့်ချမ်းသာ ဆင်းရဲကို ကိုယ်တိုင်ပြုသည်, သူတပါးကပြုသည်””စသည်ဖြင့် ယူမှားသောဒိဋ္ဌိကင်းကြောင်းကိုလည်းကောင်း (နိဒါန၀ဂ္ဂသံယုတ် အစေလ ကဿပသုတ် စသည်)၊ သမ္မာဒိဋ္ဌိ-အယူမှန်ရှိသူ ဖြစ်ကြောင်းကို လည်းကောင်း (၎င်း ကစ္စာနဂေါတ္တသုတ်)၊ သမဏ-ကိလေသာငြိမ်းသော ရဟန်းအစစ်ဖြစ်ကြောင်း, ဗြာဟ္မဏ-မကောင်းမှုကို ပယ်ထုတ်ပြီးသော သူမြတ်အစစ် ဖြစ်ကြောင်းကိုလည်းကောင်း(၎င်း-သမဏ ဗြာဟ္မဏသုတ်)၊ သေက္ခဉာဏ်နှင့်ပြည့်စုံသူတရားအလျဉ်သို့ရောက်သူ အမြိုက်နိဗ္ဗာန်တံခါးဝသို့ရောက်သူ မည်ကြောင်းကိုလည်းကောင်း (၎င်း-ပစ္စယသုတ်) ဤသို့ စသည် ပဋိစ္စသမုပ္ပါဒ် သိခြင်း၏အကျိုးများကိုဗုဒ္ဓမြတ်စွာဘုရား ဟောကြား ဖော်ပြတော်မူခဲ့ပေသည်။
ခက်ခဲ၍ ဖွင့်ပြတော်မူကြသည်
သို့သော် ယင်း ပဋိစ္စသမုပ္ပါဒ်တရားတော်သည် သိလွယ်သော တရားကား မဟုတ်ပေ၊ အလွန်နက်နဲ၍ သိနိုင်ခဲသောတရားသာ ဖြစ်ပေသည်၊ ထို့ကြောင့်ပင် ဒီဃနိကာယ် မဟာဝဂ် မဟာနိဒါနသုတ်၌ ပဋိစ္စသပ္ပါဒ်တရားသည် နက်နဲ၍ နက်နဲယောင် ထင်ကြောင်း, ယင်း ပဋိစ္စသမုပ္ပါဒ်တရားကို မသိရခြင်းကြောင့်သတ္တ၀ါအပေါင်းသည်သံသရာကိုမကျော်လွန်နိုင်ပဲဆင်းရဲဒုက္ခ ရောက်နေကြရကြောင်းများကိုဟောကြားတော်မူခဲ့ပေသည်၊ယင်းသို့နက်နဲ၍အသိခက်သောကြောင့်ပင် ရှေးရှေးသောဆရာမြတ်တို့သည် ဤပဋိစ္စသမုပ္ပါဒ်တရားကို မိမိတို့ဉာဏ်စွမ်းရှိသမျှ ခေတ်ကာလအားလျော်စွာဖွင့်ပြဟောကြား ရေးသားတော် မူခဲ့ကြပေသည်။
သို့သော် သမုဒ္ဒရာရေသည် မည်ရွေ့မည်မျှပင် ခပ်ယူသော်လည်း မကုန်နိုင်သကဲ့သို့ ယင်း ပဋိစ္စသမုပ္ပါဒ် တရားတော်သည်လည်း ဖွင့်ပြ၍ကား မကုန်နိုင်ပေ၊ အကျယ်ဖွင့်ပြ ဟောကြား ရေးသား ထုတ်ဖော်ရန် လိုလျက်သာ ရှိချေသည်။
၁၁-သီတင်းတိတိ အကျယ်ဟောကြားတော်မူခဲ့သည်
ထို့ကြောင့် ကျေးဇူးရှင် မဟာစည် ဆရာတော်ဘုရားကြီးသည်လည်း ဤပဋိစ္စသမုပ္ပါဒ်တရားတော်ကို ရန်ကုန်မြို့သာသနာ့ရိပ်သာ ဖလ်ယဉ်ဓမ္မာရုံကြီး၌ များစွာသော ရဟန်း ရှင် လူ ပရိသတ်တို့အား ၁၃၂၄-ခု နယုန်လပြည့်ကျော် ၈-ရက်နေ့မှစ၍ ၁၁-သီတင်းတိုင်တိုင် စိတ်ပါဝင်စားသူတိုင်း သိနားလည်နိုင်လောက်အောင် အကျယ်ဖွင့်ပြလျက် ဟောကြားတော်မူခဲ့ပေသည်၊ ထိုသို့ ဟောကြားစဉ်ကာလက (ဗုဒ္ဓသာသနာနုဂ္ဂဟအဖွဲ့ချုပ် အကျိုးတော်ဆောင်) ဦးသိန်းအောင်နှင့် (ဒုတိယတရားမ တရားသူကြီး ဦးသိန်းဟန်တို့က ထပ်ကာထပ်ကာ နာယူနိုင်ရန် ရည်သန်မျှော်လင့်လျက် တိတ်ရီကော်ဒါခေါ် အသံဖမ်းစက်များဖြင့် တရားသံကို ဖမ်းယူထားခဲ့ကြပေသည်၊ ယင်းတရားသံကို (ဟိုစဉ်အခါက ရန်ကုန်မြို့ သာသနာ့ရိပ်သာ၌နည်းပြကမ္မဋ္ဌာနာစရိယအဖြစ်ဖြင့် ဆောင်ရွက်လျက်ရှိသော) အရှင်ဝဏ္ဏိတမထေရ် (ယခု ဖျာပုံ သာသနာ့ရိပ်သာ ဆရာတော်)က တပည့်ရဟန်းတော်များ၏ အကူအညီဖြင့် တိတ်ခွေမှထုတ်ယူကာ လက်ရေး စာမူကြမ်းအဖြစ်သို့ ရောက်စေခဲ့ပေသည်၊ တဖန် ထိုလက်ရေး စာမူကြမ်းကို (ဒုတိယ တရားမ တရားသူကြီး) ဦးသိန်းဟန်က တိုက်ပ်ရိုက် စာမူကြမ်းအဖြစ်သို့ ရောက်စေခဲ့ပေသည်။
ဗုဒ္ဓ ဓမ္မ လောက စာစောင်၌ တင်ပြခြင်း
ထိုသို့ တိုက်ပရိုက် စာမူကြမ်းဖြစ်ပြီးသောအခါ၌ ဗုဒ္ဓ ဓမ္မ လောက စာစောင် အယ်ဒီတာ ဦးအောင်မြင့်က ဗုဒ္ဓ ဓမ္မလောကစာစောင်၌ ယင်း ပဋိစ္စသမုပ္ပါဒ် တရားတော်ကြီးကို တင်ပြလိုကြောင်း ကျေးဇူးရှင် မဟာစည် ဆရာတော်ဘုရားကြီးထံ၌ ခွင့်ပန်လျှောက်ထားခဲ့လေသည်၊ ထိုလျှောက်ထားချက်အရ စာမူချောအဖြစ်သို့ ရောက်အောင်သုတ်သင် ပြင်ဆင်ရန်အတွက်(ဗုဒ္ဓသာသနာနုဂ္ဂဟအဖွဲ့ချုပ်အကျိုးတော်
ဆောင်) ဦးသိန်းအောင်က ကမ္မဋ္ဌာနာစရိယ အရှင်ဝဏ္ဏိတထံမှ တိုက်ပရိုက်မူကြမ်းပဋိစ္စသမုပ္ပါဒ် တရားတော် စာအုပ်ကြီးကို တောင်းယူခဲ့ကာ ကျေးဇူးရှင် မဟာစည် ဆရာတော်ဘုရားကြီးလက်သို့ ဆက်ကပ်လိုက်ပေသည်၊ ဆရာတော်ဘုရားကြီးက ထိုစာမူကြမ်းကို စာမူချောအဖြစ်သို့ ရောက်အောင် သုတ်သင် ပြင်ဆင်ပေးသဖြင့် ဗုဒ္ဓဓမ္မ လောကစာစောင်၌ တပိုင်းချင်း တပိုင်းချင်း တင်ပြခဲ့ရာ စာရှုသူ အပေါင်းတို့မှာ အလွန် နှစ်သက်ကြလျက် စာအုပ်အဖြစ်ဖြင့် တပေါင်းတည်း အပြည့်အစုံကြည့်ရှုလိုသော စိတ်ဆန္ဒပြင်းပြစွာ ဖြစ်ပေါ်ခဲ့ကြလေသည်၊ အချို့က စာအုပ်ပုံနှိပ်ပြီး ရှိလိမ့်မည် အထင်နှင့်စာအုပ်တင်ပို့ရန် အမှာစာများဖြင့် တောင်းဆိုကြလေသည်၊ အချို့ကလည်း စာအုပ်အဖြစ်ဖြင့် ပုံနှိပ်ဖြန့်ဝေရန်တောင်းပန်ကြလေသည်။
ပုံနှိပ်စာအုပ်အဖြစ်သို့ ရောက်ခြင်း
သို့ဖြစ်သောကြောင့် (ဗုဒ္ဓသာသနာနုဂ္ဂဟအဖွဲ့ချုပ် အကျိုးတော်ဆောင်) ဦးသိန်းအောင်က အဆိုပါ ပဋိစ္စသမုပ္ပါဒ်တရားတော်ကိုစာအုပ်အဖြစ်ဖြင့်ပုံနှိပ်ဖြန့်ဝေခွင့်ပြုပါရန် ကျေးဇူးရှင်မဟာစည်ဆရာတော်ဘုရားကြီးအား တောင်းပန်လျှောက်ထားလေသည်၊ထိုလျှောက်ထား တောင်းပန်ချက်အရဆရာတော်ဘုရားကြီးထံမှ သဘောတူ ခွင့်ပြုချက်ရသဖြင့် ဓမ္မဒေသနာဖြန့်ချီရေး စာပေတိုက်မှ ““ပဋိစ္စသမုပ္ပါဒ်တရားတော်ကြီး””ဟူသော အမည်ဖြင့် ပုံနှိပ်ဖြန့်ဝေလိုက်ပေသည်။
ဤတရားတော်ကြီး၏ ထူးခြားချက်များ
ဤ ပဋိစ္စသမုပ္ပါဒ်တရားတော်ကြီး၏ ထူးခြားချက်များမှာ-
(၁) ယေဘုယျအားဖြင့် နားလည်လွယ်သော အရပ်သုံး မြန်မာစကား ရိုးရိုးဖြင့်
ဟောထားခြင်း။
(၂) အတိုချုပ် ဆောင်မှတ်ထားနိုင်ရန် လင်္ကာစကားပြေ ဆောင်ပုဒ်များဖြင့် ဟောထားခြင်း။
(၃) သာဓက၀တ္ထုများကိုလည်း အရာအားလျော်စွာ ဆောင်ပြထားခြင်း။
(၄) လေးနက်ခိုင်မာသော အသင့်ယုတ္တိနှင့် တိကျသော အကြောင်းပြချက်အမျိုးမျိုး,
ပေါ်လွင်ထင်ရှားသော ဥပမာ စသည်တို့ဖြင့် တန်ဆာဆင်၍ ဟောထားခြင်း။
(၅) ပါဠိကို မြန်မာပြန်ရာ၌ သိလွယ်သော ဝေါဟာရတို့ဖြင့် ပြန်ဆို၍ ဟောထားခြင်း။
(၆) စာတွေ့မျှမဟုတ်ပဲ ကိုယ်တွေ့ဖြင့် နှိုင်းချိန်နိုင်အောင် ဖေါ်ပြလျက် ဟောထားခြင်း။
(၇) သုတမယ, စိန္တာမယဖြင့်သာ မဟုတ်ပဲ ဘာဝနာမယဖြင့်လည်းသိနားလည်နိုင်အောင်ဟောထားခြင်း စသည်တို့ ဖြစ်ပေသည်။
အထက်ပါ ထူးခြားချက်တို့တွင် အမှတ်-၁-၂-၃-၄-ထူးခြားချက်များမှာ အလွန်ထင်ရှားပါသည်၊ ဤစာအုပ်ကို ဖတ်သွားယင်းပင် ၎င်းတို့ကို သဘောပေါက်သွားနိုင်ပါသည်၊ အမှတ်-၅-၆-၇ ထူးခြားချက်တို့နှင့် စပ်၍မူဤနိဒါန်းကပင်အနည်းငယ် အရိပ်အမြက်မျှ ဖော်ပြလိုပါသည်။
သိလွယ်သောဝေါဟာရဖြင့် ပြန်ဆိုခြင်း
ထိုတွင် အမှတ် ၅-အရ အနည်းငယ် ဖော်ပြရလျှင် အပ္ပဋိပတ္တိ အ၀ိဇ္ဇာနှင့် မိစ္ဆာပဋိပတ္တိ အ၀ိဇ္ဇာတို့ကို-
““အမှန်မသွား၊ အမှားမြင်ကာ၊ အ၀ိဇ္ဇာကြောင့်””ဟု (နှာ ၂၃-၃၀စသည်) ပေါ်လွင်ထင်ရှားသော ဝေါဟာရစကားဖြင့်
ပြန်ဆိုဖော်ပြထားသည်၊ ယင်းမူလဆောင်ပုဒ်၏ အကျယ်ပြ ဆောင်ပုဒ်တို့၌လည်း-
““မြင်တိုင်း ကြားတိုင်း တွေ့တိုင်း သိတိုင်း ဒွါရ ၆-ပါးက ထင်ပေါ်လာသမျှ ဆင်းရဲတွေကို ဆင်းရဲဟု မထင်မသိတာက အ၀ိဇ္ဇာ၊ ထိုဆင်းရဲတရားတွေကိုပင် ချမ်းသာဟု ထင်တာကလဲ အ၀ိဇ္ဇာ””ဟု (နှာ ၂၉)-
ဤသို့စသည်ဖြင့် လူတိုင်းပင်သဘောပေါက် သိနားလည်နိုင်လောက်အောင် သရုပ်ဖော်လျက် ပြဆိုထားပေသည်။
ထို့ပြင် အ၀ိဇ္ဇာကြောင့် သင်္ခါရတို့ ဖြစ်ကြသည်ဟူရာ၌ အ၀ိဇ္ဇာနှင့်သင်္ခါရတို့ မည်သို့ဆက်သွယ်သည် ဟူသောအချက်ကိုလည်း ပေါ်လွင်စေရန်-
““အ၀ိဇ္ဇာကြောင့်၊ ချမ်းသာလိမ့်နိုး၊ ရည်မျှော်ကိုးလျက်၊ သုံးမျိုးမှုကံ၊ ပြုစီမံ၍””ဟု (နှာ ၃၀-စသည်) ချမ်းသာလိမ့်
မည်ထင်သော ရည်မျှော်ချက်ဖြင့် ဆက်စပ်ကြောင်းကို ဖြည့်စွက်လျက် ပြဆိုထားပေသည်။
ထို့ပြင် သင်္ခါရာ-ပုဒ်ကိုလည်း ““သုံးမျိုးမှုကံ၊ ပြုစီမံ၍””ဟု ပေါ်လွင်သော ဝေါဟာရဖြင့် ပြန်ဆိုထားပေသည်။
ထို့ပြင် အကုသလ၀ိပါကစက္ခုဝိညာဏံ-ပုဒ်ကို ““မကောင်းတာကို မြင်ရတဲ့စိတ်””ဟူ၍လည်းကောင်း (နှာ-၇၆)၊
ကုသလ ၀ိပါကစက္ခုဝိညာဏံ-ပုဒ်ကို ““ကောင်းတာမြင်တဲ့စိတ်”” ဟူ၍လည်းကောင်း (နှာ-၇၇) ဤသို့စသည်ဖြင့် လူတိုင်းသိလွယ်အောင် ပြန်ဆိုထားပေသည်။
ဤပုံဤနည်းအတိုင်း သိလွယ်သော ဝေါဟာရတို့ဖြင့် ပြန်ဆိုထားသည်ကို ဤပဋိစ္စသမုပ္ပါဒ်တရာတော်ကြီး စာအုပ်
ဝယ် နေရာပေါင်းများစွာတို့၌ တွေ့ရပါလိမ့်မည်။
ကိုယ်တွေ့ဖြင့် နှိုင်းချိန်နိုင်အောင် ပြခြင်း
အမှတ် (၆) အရ ထူးခြားချက်အနည်းငယ်ကို ဖော်ပြရလျှင် သင်္ခါရကြောင့် ၀ိညာဏ်ဖြစ်သည် ဟူရာ၌ ဘ၀သစ်
ပဋိသန္ဓေ၀ိညာဏ်ဖြစ်ပုံကို ယောဂီတို့၏ ကိုယ်တွေ့ဉာဏ်ဖြင့် နှိုင်းချိန်နိုင်အောင် ရှင်းလင်းပြဆိုထားသည်မှာ အလွန်ပင် စိတ်ဝင်စားဖွယ် ကောင်းလှပါသည်၊ ပြဆိုပုံကတော့-သင်္ခါရကြောင့် ဘ၀သစ် ပဋိသန္ဓေ၀ိညာဏ် ဖြစ်တယ်ဆိုတာဟာ အသိခက်ကြောင်း, သိဖို့လဲ အလွန်အရေးကြီးကြောင်း, အဲဒီအချက်ကိုမသိလျှင် မိစ္ဆာဒိဋ္ဌိဖြစ်စရာ အကွက်ကြီးတခု ဖြစ်သည်ဟု လယ်တီဆရာတော်ဘုရားကြီးက မိန့်မှာသွားကြောင်း, ထိုသို့ မိန့်မှာသည့်အတိုင်းပင် ယင်းအချက်နှင့် စပ်လျဉ်း၍ သဿတဒိဋ္ဌိ,ဥစ္ဆေဒဒိဋ္ဌိ ဖြစ်တတ်ကြောင်း, ကိုယ်ပိုင် ဆင်ခြင်ဉာဏ်ကိုသာ အားကိုးပြီး ကိုယ်တွေ့အထောက်အထားလောက်နဲ့သာ ကြံကြည့်လျှင် စာတတ်ပုဂ္ဂိုလ်တွေမှာလဲ ဒီအချက်ကို သဘောပေါက်ဖို့ ခက်နေတတ်ကြောင်း, ရုပ်ဝါဒသမားတို့၏ အတွေးအခေါ်တွေကိုလေ့လာမိလျှင် ၎င်းတို့၏ တပည့်ဖြစ်သွားတတ်ကြောင်း စသည်ဖြင့် (နှာ ၇၈၊ ၇၉) ဝေဖန်ဖော်ပြပြီးလျှင် သမ္မသနဉာဏ်,ဥဒယဗ္ဗယဉာဏ်ရောက်နေတဲ့ယောဂီကစုတိနဲ့ ပဋိသန္ဓေဖြစ်ပုံကို ဒီလိုသိတယ်၊ ““လောကမှာ သေတယ်ဆိုတာလဲ ရှုမှတ်ရတဲ့စိတ်ကလေး ပျောက်သွားတာမျိုးပဲ၊ ယခု ရှုမှတ်နေယင်း ပျောက်ပျောက်သွားတဲ့ စိတ်ကလေးလိုပင် နောက်ဆုံး စိတ်ကလေးပျောက်သွားတာဖြစ်မှာပဲ၊ ဘ၀သစ်ဖြစ်တယ် ဆိုတာလဲ ယခုမှတ်သိရတဲ့ စိတ်ကလေးတွေ အသစ်အသစ်ဖြစ်ပေါ်လာတာမျိုးဖြစ်မှာပဲ၊ သေတာလဲ နောက်ဆုံးစိတ် တစိတ်ပဲ၊ ဘ၀သစ်ဖြစ်တာလဲ အစဆုံးစိတ် တစိတ်မျှပဲလို့ ဒီလိုသဘောပေါက်ပြီး သိသွားပါတယ်””ဟု ပြဆိုထားပေသည်။ (နှာ ၈၀)။
ထို့ပြင် စိတ်ဝိညာဏ်ကြောင့် နာမ်ရုပ်ဖြစ်ပေါ်သည်ဟု ဆိုရာ၌ ““ယခု စဉ်းစားကြည့်ပါ၊ မြင်တယ်ဆိုယင် မြင်ရတဲ့
အာရုံကို ကောင်းတဲ့အနေ မကောင်းတဲ့အနေအားဖြင့် ခံစားမှုလဲ ပါဝင်နေပါတယ်၊ အဲဒါဟာ ဝေဒနာပဲ၊ မြင်ရတဲ့အာရုံကို မှတ်သားတဲ့သဘောလဲ ပါဝင်နေတာပဲ”” စသည်ဖြင့် (နှာ-၁၃၆) စိတ်ဝိညာဏ်ကြောင့် ဝေဒနာ သညာစသော နာမ်ဖြစ်ပုံကို ကိုယ်တွေ့ ဉာဏ်တွေ့ ရောက်အောင် ဟောထားပေသည်၊ ထို့ပြင် ““လက်ခြေကို ကွေးချင်တဲ့စိတ်ဖြစ်ယင် ကွေးတဲ့ရုပ် ဖြစ်လာတယ်၊ဆန့်ချင်တဲ့စိတ်ဖြစ်ယင် ဆန့်တဲ့ရုပ် ဖြစ်လာတယ်”” စသည်ဖြင့် (နှာ-၁၃၈) စိတ်ဝိညာဏ်ကြောင့် ရုပ်ဖြစ်ပုံကိုလည်း ကိုယ်တွေ့ ဉာဏ်တွေ့ ရောက်အောင် ဟောထားပေသည်၊ ယင်းသို့ စိတ္တဇရုပ်ကို သိခြင်းဖြင့် ပဋိသန္ဓေ ကာလကလည်း စိတ်ဝိညာဏ်ကြောင့် ရုပ်ဖြစ်ခဲ့သည်ကို မှန်းဆ၍ သိနိုင်ကြောင်း အဋ္ဌကထာနှင့်အညီလည်း ပြဆိုထားပေသည် (နှာ-၁၂၉၊ ၁၃၀)၊ ဤသို့စသည်ဖြင့် ကိုယ်တွေ့ဖြင့် နှိုင်းချိန်နိုင်အောင် ပြဆိုထားချက်တို့ကိုလည်း ဤပဋိစ္စသမုပ္ပါဒ် တရားတော်ကြီး စာအုပ်ဝယ် နေရာပေါင်းများစွာတို့၌ တွေ့ရပါလိမ့်မည်။
ဘာဝနာမယဉာဏ်ဖြင့်လည်း သိနားလည်စေခြင်း
အမှတ် (၇)အရ ထူးခြားချက်ကို အမြက်မျှ ဖော်ပြရလျှင် အတက္ကာဝစရော-မဂ်ဖိုလ်နိဗ္ဗာန်ကို ကြံဆရုံမျှဖြင့် မရောက်နိုင်ဘူးလို့ဆိုရာမှာ ကြံဆရုံမျှဖြင့် မဂ်ဖိုလ်နိဗ္ဗာန်ကို သိဖို့ဆိုတာမပြောနဲ့ ၀ိပဿနာအသိမျိုးတောင် မဖြစ်နိုင်ကြောင်း,၀ိပဿနာထဲမှာ အောက်ထစ်ဆုံးဖြစ်တဲ့ နာမရူပ ပရိစ္ဆေဒဉာဏ်တောင် မဖြစ်နိုင်ကြောင်းများကို ပြဆိုပြီးလျှင် သတိပဋ္ဌာန်ဒေသနာနည်းအရ ဖြစ်ခိုက်ရုပ်နာမ်ကို မပြတ်လိုက်ပြီးမှတ်နေမှ သမာဓိဉာဏ် အားပြည့်တဲ့အခါ နာမ်နဲ့ရုပ်ကို ပိုင်းခြားသိတဲ့ နာမရူပပရိစ္ဆေဒဉာဏ်စသော ၀ိပဿနာဉာဏ်များဖြစ်ပုံကို ပြဆိုထားသည်မှာ အထူးမှတ်သားဖွယ် ကောင်းလှပါပေသည် (နှာ-၉)။
ထို့ပြင် သစ္စာလေးပါးကို မသိတာက အ၀ိဇ္ဇာ-စသည်ဖြင့် သုတမယ, စိန္တာမယဉာဏ်ဖြစ်အောင် ပါဠိအဋ္ဌကထာတို့
နှင့်တကွ ပြဆိုသည့်ပြင် ““မရှုမမှတ်တဲ့အတွက် အ၀ိဇ္ဇာက သိရိုးသိစဉ်အတိုင်း ဒါက လူပဲ ယောက်ျားပဲ မိန်းမပဲ လက်ပဲ ခြေပဲမျက်နှာပဲစသည်ဖြင့် အလွဲတွေသိနေတာကို (အ၀ိဇ္ဇာက) ဖုံးတယ်လို့ ဆိုပါတယ်””စသည်ဖြင့် ဘာဝနာမယဉာဏ် မရှိသောသူမှာ အ၀ိဇ္ဇာဖြစ်ပုံကိုလည်း ဖော်ပြထားပေသည် (နှာ-၂၇)၊ ထို့ပြင် ““ဖောင်းတယ် ပိန်တယ် စသည်ဖြင့်မှတ်နေယင်း ကိုယ်ထဲမှာတနေရာရာက ယားတာပေါ်ယင် အဲဒီယားတဲ့ သဘောကလေးကို ယားတယ် ယားတယ်လို့ သူ့အလိုလိုပဲ သိလျက် သိလျက်ဖြစ်နေတယ်၊ ယားတဲ့နေရာက လက် ခြေ ခေါင်း ကိုယ်ရယ်လို့ ပကတိသိနေကျ ပုံသဏ္ဌာန်နိမိတ်တွေလဲ မပေါ်လာဘူး၊ငါယားတယ်လို့လဲနှလုံးမသွင်းမိဘူး၊ ယားတဲ့ အခံခက်တဲ့ သဘောကလေးတွေသာ ဆက်ကာ ဆက်ကာပေါ်နေတယ်၊ အဲဒါကလေးလဲ တည်မြဲနေတာရယ်လို့မရှိဘူး၊ မှတ်ယင်း မှတ်ယင်းပျောက်ပျောက် သွားတာကိုသာ တွေ့ရတယ်၊ ဒါကြောင့် မမြဲတဲ့ တရားတွေပဲဆိုတာ ကိုယ်ပိုင်ဉာဏ်နဲ့ တွေ့ပြီးထင်ရှားသိရတယ်”” စသည်ဖြင့် ဘာဝနာမယဉာဏ်ကြောင့် အ၀ိဇ္ဇာကင်းပုံကိုလည်း ဖော်ပြထားပေသည် (နှာ-၂၈-၂၉)။
ဤနည်းဖြင့် ဘာဝနာမယဉာဏ် ဖြစ်သင့်ရာဟူသမျှ၌ သုတမယ, စိန္တာမယမျှသာ မဟုတ်ပဲ ဘာဝနာမယဉာဏ်ဖြစ်ပုံ, ဘာဝနာဉာဏ်ဖြင့် သိပုံများကိုလည်း ဖော်ပြထားသည်ကို တွေ့ရပါလိမ့်မည်။
ကြည့်ရှုလေ့လာခြင်း၏ အကျိုး
ထို့ကြောင့် ဤ ပဋိစ္စသမုပ္ပါဒ်တရားတော်ကြီးကို ကြည့်ရှုလေ့လာလျှင် ပဋိစ္စသမုပ္ပါဒ် သဘောသဘာဝတို့ကို ပါဠိ
အဋ္ဌကထာဋီကာတို့၌ ပြဆိုထားသည့်အတိုင်း ကောင်းစွာသိနားလည်၍ သုတမယဉာဏ်လည်း ဖြစ်ပွါးမည်၊ စိန္တာမယဉာဏ်လည်းဖြစ်ပွါးမည်၊ ယင်းဉာဏ် ၂-ပါးကို အခြေခံပြု၍ ဖြစ်ခိုက်ရုပ်နာမ်ကို ရှုမှတ်ပွါးများလျှင် ဘာဝနာမယဉာဏ်လည်း ဖြစ်ပွါးမည်မှာ ယုံမှားဖွယ်မရှိဖြစ်ပေသည်၊ ဘာဝနာမယ ၀ိပဿနာဉာဏ် ရင့်သန်ပြည့်စုံသောအခါ မဂ်ဉာဏ် ဖိုလ်ဉာဏ်ဖြင့် နိဗ္ဗာန်ကို မျက်မှောက်ပြုရမည်မှာ မုချဧကန် အမှန်မလွဲပင် ဖြစ်ပါတော့သည်။
နိဂုံးချုပ်
သို့ဖြစ်၍ သပ္ပုရိသအပေါင်း သူတော်ကောင်းတို့သည်ဤပဋိစ္စသမုပ္ပါဒ်တရားတော်ကြီးစာအုပ်ကို စေ့စေ့စပ်စပ်
သေသေချာချာ ကြည့်ရှုလေ့လာသောအားဖြင့် အလွန်နက်နဲသော ပဋိစ္စသမုပ္ပါဒ်တရားနှင့် စပ်လျဉ်း၍ သုတမယဉာဏ်ကိုလည်း ပွါးနိုင်ကြပါစေ၊ လေးလေးနက်နက် စဉ်းစားဆင်ခြင်သောအားဖြင့် စိန္တာမယဉာဏ်ကိုလည်း ပွါးနိုင်ကြပါစေ၊အကြောင်းအကျိုးဆက်စပ်လျက် မပြတ်ဖြစ်နေသော ခန္ဓာငါးပါး ရုပ်နာမ်တရားတို့ကို ရှုမှတ်သောအားဖြင့် ဘာဝနာမယ၀ိပဿနာဉာဏ်ကိုလည်း အပြည့်အစုံဖြစ်ပွါးစေကာ အရိယမဂ်ဉာဏ် ဖိုလ်ဉာဏ်တို့ဖြင့် အ၀ိဇ္ဇာသင်္ခါရစသော ပဋိစ္စသမုပ္ပါဒ်တရားတို့၏ လုံးဝချုပ်ငြိမ်းရာ နိဗ္ဗာန်ချမ်းသာကို လျင်မြန်စွာ မျက်မှောက်ပြုနိုင်ကြပါစေသော်။
အရှင်ပဏ္ဍိတာဘိဝံသ
သာသနာ့ရိပ်သာ၊ ရန်ကုန်မြို့။
၁၃၂၉-ခုတပေါင်းလဆန်း (၈) ရက်။
(“အရှင်ပဏ္ဍိတာဘိဝံသ(ရွှေတောင်ကုန်းသာသနာ့ရိပ်သာ)”၏သီလဂုဏ်,သမာဓိဂုဏ်,ပညာဂုဏ်,တို့ကိုပူဇော်ကြည်ညိုသောအားဖြင့်ဆရာတော်ရေးသားသည့်တရားတော်တစ်ပုဒ်ကို,ပြန်လည်,မျှဝေ,ဓမ္မဒါနပြုခြင်း
ဖြစ်ပါသည်)

မြတ်ဗုဒ္ဓရဲ့ လမ်းညွန်ချက်များ

မြတ်ဗုဒ္ဓရဲ့ လမ်းညွန်ချက်များ

၁။ ဘဝချမ်းသာရေးမှာ စိတ်သာပဓာန၊ စိတ်ကောင်းနေရင် ချမ်းသာမယ် ၊ စိတ်ဆိုးနေရင် ဆင်းရဲမယ် ။
၂။ စစ်ပွဲတစ်ရာ အောင်နိုင်တာထက် မိမိရဲ့ စိတ်ကို အောင်နိုင်တာက ပိုပြီး ကြီးကျယ်မြင့်မြတ်တယ်။
၃။ စိတ်ကို အောင်နိုင်တယ်ဆိုတာ စိတ်ကို ဆိုးညစ်ယုတ်ညံ့အောင် ခြယ်လှယ်နေကြတဲ့ မောဟ၊ လောဘ၊
ဒေါသ စတဲ့ ကိလေသာများကို ပယ်သတ်နိုင်ခြင်း ဖြစ်တယ်။
၎။ ကိလေသာတွေဟာ စိတ်ကို ပူလောင်ပင်ပန်းဆင်းရဲစေကြတဲ့ အတွက် ကိလေသာတွေ ယှဉ်တဲ့ အကု
သိုလ်စိတ်ဖြစ်ရင် ဆင်းရဲမယ်။ ကုသိုလ်စိတ်ဖြစ်ရင် ကောင်းမြတ်တင့်တယ်တဲ့ စေသတိတ်တွေ ယှဉ်ကြ
တဲ့ အတွက် ချမ်းသာမယ်။
၅။ "ယောနိသောမနသိကာရ" ဆိုတဲ့ သင့်တင့်လျောက်ပတ်အောင် နှလုံးသွင်းမှုရှိရင် ကုသိုလ်စိတ်တွေဖြစ်
မယ်။ မရှိရင် အကုသိုလ်စိတ်တွေ ဖြစ်မယ်။
၆။ အာဂမသုတ- အဓိဂမသုတဆိုတဲ့ ပရိယတ်-ပဋ္ဋိပတ် အသိပညာတွေဦးစီးမှ ယောနိသောမနသိကာရ
ဖြစ်အောင် နှလုံးသွင်းနိုင်ပြီး တကယ်ချမ်းသာတဲ့ ဘဝကို ထူထောင်နိုင်လိမ့်မယ်။
၇။ ကာမဂုဏ်ဆိုတာ အာရုံငါးပါးပါပဲ။ အာရုံနဲ့ ဒွါရ(မျက်စိ၊ နား၊ နှာ၊ လျှာ၊ ကိုယ်) တို့ ဆုံတွေ့တဲ့ အခါ
" သောမနဿသဟဂုတ် လောဘမူစိတ်" ဖြစ်လို့ နှစ်သက်ခြင်း၊ ချမ်းသာခြင်း(ပီတိ-သောမနဿ)တို့ ဖြစ်
ပေါ်လာတယ်။ ဒီနှစ်သက်ခြင်း၊ချမ်းသာခြင်းတို့ဟာ ကာမဂုဏ်ရဲ့ သာယာဖွယ် ဖြစ်တယ်။
၈။ ကာမဂုဏ်ချမ်းသာဟာ အပူလောင်ဆုံးမီးများဖြစ်ကြတဲ့ တဏှာရာဂ၊ ဒေါသ၊ မောဟ စသည်တို့ ယှဉ်စပ်
နေကြတဲ့ အတွက် ချမ်းသာအစစ်မဟုတ်ဘူး။ မိုးမျှော်ငရုတ်သီးစားရသလို၊ အနုမီးကင်သလို ပူပူလောင်
လောင်ချမ်းသာမျှသာဖြစ်တယ်။
၉။ အာရုံငါးပါးဆိုတာ ရုပ်တရားတွေပဲ။ သက်မဲ့ ရုပ်ဝတ္ထုအားလုံးနဲ့ သက်ရှိသတ္တဝါအားလုံးဟာ မမြဲတဲ့အနိစ္စ
တရား၊ ဆင်းရဲတဲ့ ဒုက္ခတရား ၊ အစိုးမရ အနှစ်မပါတဲ့ အနတ္တတရား၊မတင့်တယ်တဲ့ အသုဘတရားတွေ
သာဖြစ်ကြတယ်။ မောဟက ဒီ အမှန်သဘောတွေကို ဖုံးကွယ်ထားပြီး ပြောင်းပြန်အမှားသဘောတုိ့ကို
သိမြင်စေတဲ့ အတွက် တဏှာလောဘက ကာမဂုဏ်အာရုံတွေကို တပ်မက်တွယ်တာခြင်း ဖြစ်တယ်။
၁၀။ ကာမတရားတို့ဟာ (၁) အမဲရိုး၊ (၂)အသားတစ်၊(၃)မြက်မီးရှူးတိုင်၊(၄)မီးကျီးခဲတွင်း၊(၅)အိပ်မက်၊
(၆)အငှားပစ္စည်း၊(၇)အသီးပြည့်တဲ့အပင် အသီးသီးနဲ့ ပမာတူကြတယ်။ အနှစ်သာရ ကင်းပြီး ဆင်းရဲပင်
ပန်းခြင်းကိုသာ ဖြစ်ပေါ်စေပါတယ်။


၁၁။ ကာမဂုဏ်အာရုံတို့မှာ လိုချင်တက်မက်မှုမဖြစ်အောင် ဆုံးမခြင်း၊ လိုချင်တက်မက်မှုကို ပယ်ဖျက်ခြင်း
ဟာ ကာမဂုဏ်တို့မှ ထွက်မြောက်ရာ ဖြစ်တယ်။ ကာမဂုဏ်တို့မှ ထွက်မြောက်နိုင်မှာသာလျှင် ဘဝချမ်း
သာစေကို ရနိုင်မယ်။
၁၂။ ရုပ်နိုင်တို့ရဲ့ အစုအဝေးများဖြစ်ကြတဲ့ သက်ရှိ၊ သက်မဲ့ အရာအားလုံးဟာ ဆင်းရဲခြင်းအမှန်တရား-ဒုက္ခ
သစ္စာဖြစ်တယ်။ ဆင်းရဲခြင်းကို ဖြစ်စေတဲ့အကြောင်းရင်း အမှန်တရား-သမုဒယသစ္စာက တဏှာ
လောဘဖြစ်တယ်။
၁၃။ တဏှာလောဘနဲ့တကွ ကိလေသာတရားအားလုံးဟာ ဆင်းရဲပင်ပန်းခြင်းကို ဖြစ်ပေါ်စေကြတဲ့အတွက်
ဒီကိလေသာတရားတို့ကို ပယ်သတ်ရေးသည်သာ ဘဝချမ်းသာရေး အစစ်အမှန်ဖြစ်ပေတယ်။ ကာမ
ဂုဏ်ချမ်းသာခံစားခြင်းဟာ ကိလေသာ ပွားစည်းရေးဖြစ်လို့ ဘဝဆင်းရဲရေး လမ်းစဉ်ဖြစ်တယ်။
၁၄။ ဘဝချမ်းသာရေး အစစ်အမှန်ကိုလိုချင်ရင် သူတော်ကောင်းကိုဆည်းကပ်၊သူတော်ကောင်းတရားကို
နားကြားလေ့လာ၊ နိဗ္ဗာန်နဲ့ ဆီလျှော်တဲ့ တရားအကျင့်ကို ကျင့်သုံးရမယ်။ ဒါန၊ သီလ၊ ဘဝနာတို့ကို
အဆင့်ဆင့်တိုးမြင့်ပြီး ကျင့်သုံးရမယ်။
၁၅။ သမထ-ဝိပဿနာဘဝနာ ရှုပွားလို့ ရုပ်တရား နာမ်တရားအကြောင်းတရား၊အကျိုးတရားတို့ရဲ့ အနိစ္စ၊
ဒုက္ခ၊ အနတ္တ၊ အသုဘသဘောမှန်တို့ကို ထင်ထင်ရှားရှားထိုးထွင်းသိမြင်လာတဲ့အခါ မောဟမျက်နှာဖုံး
ကွာကျပြီး သစ္စာလေးပါး ပေါ်လွင်ထင်ရှားလာလို့ အမြင့်မြတ်ဆုံးဘဝချမ်းသာဖြစ်တဲ့ နိဗ္ဗာန်ချမ်းသာကို
ကိုယ်တိုင်ကိုယ်ကျ မျက်မှောက်ပြုရပါတော့တယ်။
ဒေါက်တာမင်းတင်မွန်ရဲ့ ဘဝချမ်းသာရေး စာအုပ်မှ ကူးယူဖော်ပြထားပါသည်။

အမှောင်သွား အလင်းသွား

အမှောင်သွား အလင်းသွား

ပုဂ္ဂိုလ်လေးမျိုးကို လိုက်နာကျင့်သူနိုင်ဖို့ ဖေါ်ပြလိုပါသည်။ မိမိတို့ နေထိုင်သည့်လောကတွင်ရှိသည့် ဤဖေါ်ပြပါ ပုဂ္ဂိုလ်လေးမျိုးတွင်မိမိ ဘယ်သို့ သောပုဂ္ဂိုလ်အမျိုးစားတွင်ပါသည်ကို မိမိကိုယ်မိမိ ဆုံးဖြတ်ပါ။ ထိုလေးမျိုးကား ..

(၁)အမှောင်မှ အမှောင်သွားမည့်သူ၊
(၂)အမှောင်မှ အလင်းသွားမည့်သူ၊
(၃)အလင်းမှ အမှောင်သွားမည့်သူ၊
(၄)အလင်းမှ အလင်းသွားမည့်သူ၊

(၁) အမှောင်မှ အမှောင်သွားမည့်သူဟူသည်...

ဤလောက၌ အချို့ သူသည် အစားအသောက်အတွက်ခက်ခက်ခဲခဲရှာဖွေ၍ ဆင်းရဲအောက်ကျသောအမျိုး၌ဖြစ်ရ၏၊ ရုပ်အဆင်း လည်းဆိုးဝါး၏၊ ကျန်းမာရေးလည်းမကောင်းလှ၊ ဤသို့ ဖြစ်သူကို မှောင်နေသူဟုခေါ်သည်။ ထိုသူသည် ကိုယ်နှုတ်စိတ်ဖြင် မကောင်းမှုကိုပြု၏။ ကံနှင့်ကံအကျိုးကိုမယုံ၊ အတောင်းအရမ်းလာသူများကို မပေးသည့်အပြင် ဆဲလိုက်သေး၏။ ပေးနေသည်ကို တွေ့ လျှင် တားမြစ်၏။ ဤသူသည်သေလျှင် အပါယ်လေးပါးသို့ သွားရမည်ဖြစ်သောကြောင့် မှောင်နေသောယခုဘ၀မှ မှောင်သော နောက်ဘ၀သို့ သွားရမည့် အမှောင်မှ အမှောင်သွာပုဂ္ဂိုလ်ဖြစ်ရလေသည်။

(၂) အမှောင်မှ အလင်းသွားမည့်သူဟူသည်....

ဤလောက၌ အချို့ သူသည် အစားအသောက်အတွက်ခက်ခက်ခဲခဲရှာဖွေ၍ ဆင်းရဲအောက်ကျသောအမျိုး၌ဖြစ်ရ၏၊ ရုပ်အဆင်း လည်းဆိုးဝါး၏၊ ကျန်းမာရေးလည်းမကောင်းလှ၊ ဤသို့ ဖြစ်သူကို မှောင်နေသူဟုခေါ်သည်။ ထိုသို့ မှောင်နေသော်လည်း ကံနှင့်ကံ၏ အကျိုးကိုယုံကြည်၏။ နှမြောဝန်တိုခြင်းမရှိ။ ဒုစရိုက်မျာကိုရှောင်ရှား၍ သုစရိုက်များကိုပြုကျင့်၏။ ရဟန်းသံဃာများ ကိုလည်းရိုသေဆည်းကပ်၏။ တောင်းရမ်းလာသူတို့ အား ကိုယ်တိုင်လည်းပေး၏ သူတပါးပေးနေသည်ကိုလည်း ၀မ်းမြောက်၏။ ဤသူသည်သေသောအခါ ကောင်းသောဘ၀သို့ ရောက်ရမသည်သူဖြစ်သောကြောင့် အမှောင်မှ အလင်းသွားမည့်သူဖြစ်သည်။


(၃) အလင်းမှ အမှောင်သွားမည့်သူဟူသည်.....

အချို့ သူသည် ဥစ္စာစည်းစိမ်ဂုဏ်သိရ် ပြည့်ဖြိုးသော အထက်တန်း၌ ဖြစ်ရ၏။ ရုပ်အဆင်းလည်းလှ၏။ ကျန်းမာခြင်းလည်း ကောင်း၏။ ဤသို့ ပြည့်စုံနေသူကို အလင်းနေသူဟုဆိုရ၏။ ထိုသူသည် မကောင်းမှုဒုစရိုက်တို့ ကိုပြု၏။ ကံနှင့်ကံ၏အကျိုးကို မယုံကြည်။ အတောင်းရမ်းလာသူတို့ အား မပေးသည့်အပြင်ဆဲရေး၏။ သူတပါးပေးနေသည်ကိုလည်းတားမြစ်၏။ ဤသူသည် သေလျှင်အပါယ်လေးပါးသို့ သွားမည့်သူဖြစ်သောကြောင့် အလင်းမှ အမှောင်သို့ သွားမည့်သူဖြစ်ရလေသည်။

(၄) အလင်းမှအလင်းသွားမည့်သူဟူသည်....

အချို့ သူသည် ဥစ္စာစည်းစိမ်ဂုဏ်သိရ် ပြည့်ဖြိုးသော အထက်တန်း၌ ဖြစ်ရ၏။ ရုပ်အဆင်းလည်းလှ၏။ ကျန်းမာခြင်းလည်း ကောင်း၏။ ဤသို့ ပြည့်စုံနေသူကို အလင်းနေသူဟုဆိုရ၏။ ကံနှင့်ကံ၏ အကျိုးကိုယုံကြည်၏။ နှမြောဝန်တိုခြင်းမရှိ။ ဒုစရိုက်မျာကိုရှောင်ရှား၍ သုစရိုက်များကိုပြုကျင့်၏။ ရဟန်းသံဃာများ ကိုလည်းရိုသေဆည်းကပ်၏။ တောင်းရမ်းလာသူတို့ အား ကိုယ်တိုင်လည်းပေး၏ သူတပါးပေးနေသည်ကိုလည်း ၀မ်းမြောက်၏။ ဤသူသည်သေသောအခါ ကောင်းသောဘ၀သို့့ ရောက်ရမသည်သူဖြစ်သောကြောင့် အလင်းမှအလင်းသို့ သွားမည့်သူဖြစ်သည်။